Pasa den hilabetean Kursaal aretoan izan ginen 4. mailako ikasleekin,Kutxak antolatutako ikasle profesional eta inspiratzaileen arteko topaketan. 11 ponentzia egon ziren eta gero 85 profesionalez osatutako azoka.

           

 

 

 

 

 

 

 

=> IRUDIAREN DESERAIKITZEA Plastika 2DBH

                             2.DBH-ko ikasleekin, irudi bat deseraikitzearen prozesuan murgildu gara

                           plastikako ikasgaian. Irudi bat deseraikitzean, elementu ezberdinen azterketan

                           edo analisian ari gara. Alegia, irudia nola egina izan den jakitean datza gakoa.

                           Ariketa honetan zehazki, oinarrizko forma geometrikoen konposizioekin jolastu

                           dugu. Horretarako ikasle bakoitzak, marrazki bizidunetako pertsonaia bat deseraiki

                           du lehenbizi. Irudiaren tratamendutik lortutako piezekin, pertsonaia berri bat sortu

                           du ondoren.  Eta azkenik bikoteka egin dute lan. Bi ikasleren piezak eta sormena

                           elkartuaz, pertsonaia fantastiko  eraiki dituzte elkarlanean.

=> ULIA-JAIZKIBEL EZAGUTZEN

 

Uda honetan, albisteetan, behin eta berriz aipatu dira penintsulan gertatu diren baso-sute izugarriak. Klasean arazo larri honi buruzko analisia eta gure inguruko basoetako egoerari buruzko hausnarketa egin ostean, irailaren 26ean, DBH 4.mailako biologia eta geologiako ikasleek, hain gertu ditugun Ulia-Jaizkibel inguruko "baso" eta ekosistemei buruzko irteeratxoa egin ahal izan zuten.

Irteeran, ikasleek, besteak beste, bertako ekosistema desberdinak, zuhaitz-mota desberdinak edo biodibertsitate anitza landu ahal izan zituzten baita bertako hainbat aspektu geologiko batzuk ere.

Eguraldia lagun, goiz-pasa politta izan zen!

 

 

=> GENOZIDIOARI STOP!

 

BELDUR BARIK LAUAIZETAN

Aurten BELDUR BARIK JARRERA lehiaketaren kanpainiari Lauaizetan eman diogu hasiera!!! Irailak 22 izan zen. Parean Elkartekoekin egin genituen tailerrak eta AnePe koreografa eta influenzerra ere izan zen gurekin. Miren Elgarresta, Emakunderen zuzendaria ere etorri zen. Eta... hainbat komunikabidek horren berri eman zuten: Irutxulok, Naiz-ek, Euskadi Irratiak, Teleberriak ...

2. eta 4.mailako ikasle batzuek hartu zuten parte. Eskerrik asko guztioi!!! 

 

               

 

Zabaldu zure Beldur Barik Jarrera!! 

 

=> ERASMUS +

24-25  ikasturtean 4DBHko frantseseko  ikasleek Erasmus proiektu batean parte hartu dute, LEON CÒRDAS calandreta ikastetxearekin. Proiektu horren  barruan  

gure ikasleak Montpellier hirira joan ziren martxoaren 17-24 bitarean, eta Montpellierreko ikasleak maiatzaren 4-12 bitartean gure artean egon ziren Donostian.

Hona hemen egonaldi horien laburpena.

 

=> ARDITURRIRA IRTEERA

Ekaianaren 13 eta 19an Lauaizetako lehenengo mailako ikasle eta irakasleak Arditurrira joan ginen bizikletaz. Erronka handia izan bazen ere, merezi izan zuen! 

Egun ederra pasa genuen guztiok.

=>ARGAZKIAK<=

=> DBH DANTZAN 2025

 

Aurten ere, hirugarrena dagoeneko, "DBH Dantzan" ekitaldia ospatu egin dugu. Donostiako Zuloaga plazan, 6 eskola elkartu gara eta Donostiako Udalaren Musika eta Dantza Eskolako Trikiti taldearen musikaren laguntzarekin, urtean zehar ikasitako dantzak praktikan jarri ditugu beste zentroetako ikasleekin batera. Nola ibili ginen jakiteko, bideo ikustea besterik ez da egin behar...

Datorren urtekoa prestatzen hasiak gara...

 

 

=> 2024-25 ikasturtea. AZKEN EGUNA

 

 2024-25 ikaskurteko azken eguna heldu da eta gure ikasleak oporretan daude jada. Ostiralean amaierako festa egin genuen eta 4. mailako ikasleek agurra jaso zuten. Orain, horietako bakoitzak beste nonbaiten bere bidea jarraituko du. Ondo pasa uda!

=> INTXAUR KROSA 2025

 

Intxaur Jaien barruan Intxaur Krosa antolatzen da Ametzagaña parkean eta Lauaizetako korrika taldeak, bigarren urtez, parte hartu zuen. Ibilbide gora-beheratsu eta jai giro berezian, gure lasterkariek hasi eta, hala moduz, bukatu egin zuten. Gazteen podiuma gure korrikalariek osatu zuten eta emakume beteranoetan ere 3. postua lortu zuten. Aupa Ekipooo!!!!!

=> LIMOIONDOAREN ITZALPEKO KONTZERTUA 2025

Pasa den ostiralean, ekainaren 13an, ikasitako kanta batzuk jo eta grabatu egin genituen. Ez genuen publiko egin, Gatibuk edo U2-k bezala, intimitatean jo nahi genuelako...ke pasa!!!

Oinarrizko jakintzaren bat eskapatu egin zaigu baina, gure lasaitasunerako, justifikatu egin dugu...

Lanak ederki eginda, ondo merezitako ikasbidaiaz  gozatuko dugu.

 

=> GenEroa

Oraingoan ere,  ikasturte amaiera aldera, Kimua Dantza Kolektiboaren eskutik, GenEroa emankizuna ikusteko aukera izan dugu. 

Zein balio sustatzen ditu egitasmo honek? 

Inklusioa, genero berdintasuna, sexu orientazio-aniztasuna, dantza lengoaia bateragarri eta bateratzaile bezala. Euskal Dantzak, Dantza garaikidea eta biologia alorra hurbiltzea; Ikasleen arteko harreman gorputz-sozialak lantzea, masa vs norbanakoa; genero berdintasuna; dantzak tresna inklusibo moduan duen ahalmena indartzea.

Hemen duzue, ikuskizunaren barruan, Lander Beramendi ikasleari egindako elkarrizketa.

=> ULIAN DANTZAN

 Ikasturte honetan ere, Uliara joan gara ikasitako dantzak praktikan jartzera. Leku paregabean eta giro ezin hobean, goiz polita pasa genuen. Dantza egiteaz gain plastikako ikasleek marrazki batzuk egin zituzten eta Uliako historia eta istorioak ikasi genituen. Programazioan ez dago sartuta baina hamaiketako ederra ere, egin genuen...

=> HISTORIAURREA

Kaixo eta ongi etorri Historiaurrearen garai zoragarriara. Bertan ikusi eta entzun ahal izango dituzue DBH1eko ikasle guztiek egindako bertso ederrak. GOZA EZAZUE!

 => BERTSOAK<=

=> GURE MUSEOA<=

=> GEOPARKERA!!

 Maiatzaren 28an DBH4. mailako Bio-Geoko ikasleak Zumaiara joan ziren Euskal Kostaldeko Geoparkea bisitatzera. Algorri Interpretazio Zentroan hainbat azalpen jaso ostean, Itzurun hondartzara zein Algorri marearteko zabalgunera joan ziren bertako bitxikeriak ezagutzera eta bertan bizi diren izaki bizidunak aztertzera.

Eguraldia lagun, bertako paisaiaz gozatzeko eta ekosistema ezagutzeko aukera bikaina izan zuten ikasleek!

=> EASO POLITEKNIKORA BISITA

Pasa den astean Donostiako Lanbide Heziketako ikastetxe integratua bisitatzera joan ginen 4. mailako ikasleekin.Bertan honako ikasketak ematen dira: Lanbide Heziketako hasierako prestakuntza (erdi- eta goi-mailako heziketa zikloak) eta etengabeko prestakuntza (langile zein langabetuentzako ikastaroak).

Probetxuzko bisita izan zen eta ikasleak oso gustura egon ziren. Beraien lan eta ikasketa etorkizunerako informazio baliagarria eskuratu zitzaien.

Hemen bisitaren argazki batzuk:

=> KOLDO MITXELENA LITERATUR LEHIAKETA

Aurten ere, beste urteetan bezala, Lauaizeta Ikastola BHIko ikasleek Koldo Mitxelena Literatura Lehiaketan parte hartu dute. Kategoria ezberdinetan parte hartu dute eta olerkiak, bertsoak zein mikroipuinak sortu dituzte. Zorionez, aurten ere sarituak izan diren ikasleak izan ditugu, Zorionak guztiei!

• DBH1eko Oihan Zabalak “Dana” izeneko olerkia sortu zuen.

• DBH2ko  Irati Suberbiolak eta Martina Zabaletak mikroipuinak idatzi zituzten, “Hasi behar da” eta “Lagun gehiago” izenekoak, hurrenez hurre.

• DBH3ko Alba Arrizabalagak “Bortxaketen desgrazia” izeneko bertso sorta ederra sortu zuen “Badira hiru aste” doinua erabiliz.

=> argazkiak <=

=> EUSKARALDIA 2025

 

=> MINBIZIAREN AURKAKO LASTERKETA

 

Pasa den igandean, maiatzaren 11n, Lauaizetako korrikalariok  11. Gipuzkoa Martxan, Minbiziaren Aurkako lasterketan parte hartu izan genuen. Montpellieretik etorritako Erasmuseko lagunek ere parte hartu zuten. Egun polita  atera zen eta han bildu ginenok korrikaz gozatu genuen  eta, bide batez, gure parte hartzearekin batera,  Minbiziaren Aurkako Elkartekoei, laguntza txiki bat eman genien. 

Aupa Lauaizetako Korrikalariak!!!! 

=> DON BOSCORA IRTEERA

 Apirilaren 29an, 4. DBHko fikiko eta teknoko ikasleekin Don Boskora joan gara. Bertan tailer desberdinetan hartu dute parte: kimikako laborategian azidezak neurtuz, automozioan kotxeko gurpila aldatuz, robotarekin hartu emanean programazioa aztertuz, 3D betaurrekoekin efektu desberdinak biziz, mugikortasuna landuz, arnesa janzten ikasiz...

=> ARGAZKIAK <=

=> BIZIPOZAREN JAIA 2025

 

Bizipozaren jaia 2025 Egian

Bizipozaren jaiaren helburu nagusia BIZIPOZA  eta ELKARTEEN lana gizarteratzea da. Jai horren oinarriak AUZOLANA, ELKARTASUNA, EUSKARA ETA BIZIPOZA baloreak dira.

Jaia urtero Gipuzkoako herri batean egiten da. Aurten, auzoko hainbat elkarteren ekimenez, Bizipoza eguna Egian ospatuko da. Helburua auzoaren aniztasuna plazaratzea eta kalean ikusgai jartzea izango da.

Ikastetxeek ere, auzoaren parte izanik, gure ekarpena egin dugu. Apirilaren 11n, 2. hiruhilekoaren azken egunean, Egiako ikastetxe guztiak kalean elkartu gara elkarrekin ospatzeko.

=>GEHIAGO IKUSI<=

=> MARTXOAREN 21: ARRAZAKERIAREN KONTRA.

1960ko martxoaren 21ean, Hegoafrikako Poliziak 69 lagun hil zituen apartheidaren kontrako manifestazio baketsu batean. Ordutik, egun hori Arrazakeriaren eta Xenofobiaren Nazioarteko eguna ospatzen da, aldarrikapenez beteta. SOS Arrazakeriak urtero gai ezberdin bat lantzeko aprobetxatzen du Trintxerpetik Donostiara martxa eginez. Aurten, auzoetako segurtasuna jarri dute erdigunean, eta segurtasunaren ideiaren atzean dauden diskurtso arrazistak izan dituzte kontuan.

Lauaizetan zertxoibait aportatzen saiatu gara...

=> GENOZIDIOARI STOP

 

ERAILTZEN ARI DIREN HORIEK GURE HAURRAK ERE BADIRA!

GENOZIDIOARI STOP!

=> ERASMUS +: Metz hiriko ikasleak

Hona hemen aste honetan egin ditugun argazki batzuk. Guztiak ERASMUS+ proiektuarenak dira.

3DBHko frantseseko gure ikasleek Metz hiriko ikasle taldearekin aste osoa pasa dute.

Hemen duzue egun horietan bizi izandakoa jasotzen duen argazki multzoa:

• 2025/03/10, Lauaizeta: harrera, aurreskua, tailerrak
• 2025/03/11, Bilbo: Guggemheim, eta hiriaren bisita.
• 2025/03/12, Donostia: harrera udaletxean eta hiria ezagutuz
• 2025/03/13, Baztan: Amaiur gaztelua eta Zugarramurdi
• 2025/03/14, Lauaizeta: euskal dantza eta musika, herri kirolak

=> ARGAZKIAK<=

=> MARTXOAK 8

 Ostiralean Martxoak 8a  espazio desberdinetan ospatu genuen. Mediatekan Euskara eta sexismoaren inguruko bideoak ikusi eta aztertu. Patioan mintzodromoa egin genuen, Lauaizetan  ditugun lorpenez eta eginbeharrez jardun genuen talde txikietan. Eta gimnasioan norberaren bizipenen inguruko dinamika bat egin genuen. 

Talde Feministaren eskutik disfrutatu genuen egunaz, baina hau guztia gauzatzeko ezinbestekoa izan da lagunak izatea: Naiara Lebron, Ramon - Mikel, Ainhara...   Eta, noski! Izan ginelako gara. Eskerrik asko, Matti! 

 Milesker aliatuei, konplizei, zuen animoengatik, besarkadengatik, hitz politengatik ... eta parte hartu duzun guztioi!  Gora aliantza feministak!

Lauaizeta justuago baten alde jarraituko dugu lanean.

=>ARGAZKIAK<=

=> IRUÑEKO NAFARROAKO MUSEOA

Ebaluazio honetan Historiaurrean Euskal Herrian nola bizi ziren  ikasten ari gara eta otsailean Iruñeko Nafarroako Museoa bisitatzeko aukera izan genuen. Bertan, Irulegiko Eskua eta Loizuko gizona ikusi ahal izan genituen, Historiaurrean euskaldunak eta euskara bazirela egiaztatzen dutenak.

Jarraian, ginkana jolasa egin genuen entzierroaren ibilbidean zehar. Asko gozatu genuen!

=>ARGAZKIAK<=

=> MARTXOAK 8. LAUAIZETA JUSTUAGO BATEN ALDE

 Martxoak 8 - Lauaizeta justuago baten alde!

Lauaizetako Talde Feministakoek asteak daramatzagu Martxoak 8 prestatzen: hausnartzen zer egin eta nola bideratu, gaiak prestatzen, materialak biltzen...

Atzo pankartak egin genituen. Ze ongi pasa genuen!!!

Gustura gaude Lauaizetan, baina gauza batzuk hobetu daitezke. Horretarako prestatu ditugu hainbat jarduera. Ea zer iruditzen zaizuen! Ea denok zabaltzen dugun begirada!

=>ARGAZKIAK<=

=> LILATOIARAKO PRESTAKETA

 

Lilatoia prestatzeko Lauaizeta Korrika Taldeak azken entrenamendua egin du Zurriola aldean eta prest gaude !!!!! Aupa ekipo!!!